Elke tweede jaar bied Gimmies ʼn kultuur/kunste-geleentheid aan waar die meeste van die kunste-aktiwiteite ten toon gestel word.

Vanjaar is die splinternuwe amateur Simfonie-orkes van Gimmies se musieksentrum, die Impromptu-orkes aan die beheerliggaam en ander gaste voorgestel tydens ʼn klassieke kamerkonsert. Oud-Gimmies wat reeds op klassieke gebied as kunstenaars naam maak, is genooi om op te tree. Vanjaar was Gimmies bevoorreg om prof. Hennie Coetzee, dr. Human Coetzee en Matthys Coetzee as die Coetzee-klaviertriote te ontvang. Rineke Viljoen, Carli Díalebout, Catrien Mulder, George Fazakas en Helena Hoffmann o.a. het die gehoor vermaak.

Twee van die skool se drie tonele is ook aangebied. Beide tonele het onder die top 4 tonele in Noordwes geŽindig. As die trein kom,  met  Charlize Barnard en Telanie Nieuwenhuizen as akteurs, is aangewys as Noordwes-wenner.

Dubbelloop met akteurs Janus Kruger, Zandelle Meyer, Wickus Zerwick, Herman le Roux en Ryan Daniel het ook lof ontvang.

Agter die skerms is daar ook geleentheid om vaardighede te ontwikkel.

Tydens die twee kabaretaande is gaste getrakteer op heerlike versnapperinge, terwyl hulle die verskeidenheid van Gimmie-talent kon geniet en waardeer. Enige Gimmie mag hier deelneem aan dans, sang, drama, instrumentaal, ensembles of enige iets rondom die kunste. Dis was twee genotvolle konserte met ʼn keur van hoogstaande items!
 

Die Nasionale Koorakademie tree ook op.
   
   
   
   
   
   

   
 

 

 
 

Die webtuiste is ontwerp en word met trots onderhou deur GSD Potch - The WEB mense...  - www.gsdpotch.com